الله يسامح طيفك حبيبتي يبيجه

المهداني كتب:

صح لسانك وما قصرت (ي) يا دموع الغلا

صح بدنك انا بنوتهـ

مع تحيااتي
دمــوع الـ غ ـلاا

مررحبا ملايين ولايسدن شحالكم عساكم طيبين اتفضلو الموضوع^^


الله يسامح طيفك حبيبتي ويبيحه
كل ماغفت عيني أقبل عجلن يصحيني

لا تركها تنام ولا هو رحمها من تباريحه
كنه سجان وقلبي اللي يحبه سجيني

إشتقت لك والمشاعر دونك جريحه
اسرها الغياب وحال بينك وبيني

اسلي قلبي بكذبتن من عقلي صريحه
إنك باكر على شط الوصل تحتريني

ملامحي في صحراء الشوق ذبيحه
وقلبي بصرخة الآه كل لحظة يعزيني

وأنا دونك والله مثل تايه بمهب ريحه
بالصحراء تلاشت دروبي أرجوك دليني

تعالي..ألا يانفحة الشوق المريحه
تعالي..بدموع الغلا أضمك وضميني

مشتاق لعطرك ياجوري باول تفتيحه
ضميان لنظرة الحب بعينك ترويني

عمري لعيونك النعس أعلن نزيحه
وحروف اسمك من بد الحروف تغريني

الشوق بعيني إرتسم عنوان وفضيحه
في تفاصيل بطولتها..... أبدع حنيني

وش اسوي وجرح شوقي فاح ريحه
مقدر اصبر ولا ابعد"يعني" ميت بحالتيني

مهما صار..عن حبك مااستمع للنصيحه
شلون اسلا عمن همسة صوته تحييني

المسلم بصلاته يخشع مع دعا التفتيحه
ونتي حتى في صلاتي ماتركتيني

جيت أدعي للوالدين بالجنة الفسيحة
بلا شعور قلت يارب محبوبتي تجيني

قرا المطوع سورة الحمد بصلاة الصبيحه
ونا بلا شعور سبقته بآمين وآميني

قلت الله يسامح طيفك حبيبتي ويبيحه
زود على جفوة النوم'بالصلاة مايخليني



وسلامتكم